Dedim Gazali

Şiirler
Paylaş

Bu Yazıyı Paylaş

veya linki kopyala

Ey sabâ cânâne dedin mi dedim dedim dedi
Düşdüğüm efgâne dedin mi dedim dedim dedi

Hasretinden haste dil gurbette nâçâr olduğum
Yandığım hicrâne dedin mi dedim dedim dedi

Taktığım gerdâne zencir-i cünûn-ı aşk ben
Gezdiğim divâne dedin mi dedim dedim dedi

Arz-ı hâle cür’etim yok azm-ı râha tâkatim
Ol şeh-i hûbâna dedin mi dedim dedim dedi

Gör ne fermân eyledi Dârâ-yı mülk-i hsün ü ân
Zihnî-i nâlâna dedin mi dedim dedim dedi

Bayburtlu Zihni